柳妍熙與友人合資1300萬於銅鑼灣開設藝人培訓學校，今日邀請傳媒參觀。柳妍熙透露早在八個月以前已開始籌備，但受武漢肺炎疫情影響暫未開業：「呢度月租廿萬，已經白交咗8個月租，夾埋近300萬租金，都幾肉痛，希望快啲一切正常，大家都可以出嚟做自己鍾意嘅嘢。」

她有意7月正式開班，6月底將舉行首次學員面試：「我哋有來自日本、韓國、美國、台灣等等唔同地方嘅導師，原本面試都係導師們跟埋，但係而家佢哋未嚟到，唯有我見住先，拍返片畀導師睇。」本港對海外地區來港人士入境檢疫將延長至9月中，柳妍熙希望導師提早來港進行隔離：「真係辛苦哂啲導師，因為我都希望暑假可以開始上堂，如果真係唔得，我哋都有本地導師，我師傅曾路得啦，仲有旦哥（鄭丹瑞）都係我哋嘅合作導師。」

對於疫情令社會氣氛不穩、經濟下滑，問柳妍熙會否擔心大家不捨得花費上堂？她認為追求夢想，不是一日的事：「好似我自己好鍾意唱歌，都會風雨不改去曾路得老師度上堂，要追求專業同提高造詣，係需要堅持㗎。」

採訪、攝影：盧妹

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新