日本吹神拓也哥靠口技揚名亞洲，不過近年其健康狀況欠佳，除有心臟及血管疾病外，還不幸患上糖尿病，拓也哥更新網誌表示已切除右腳腳指尾！

拓也哥去年12月健康已亮紅燈，不僅要在病床過新年，今年已接受三次手術。拓也哥在blog上發文表示已經出院，佢並透露患上二型糖尿病，自言早在四至五年前，曾到醫院進行血液檢查時就有徵兆，當時完全唔自覺得到糖尿病，所以醫生開俾佢嘅藥都冇食到。直到去年12月，右邊腳指尾冒出個小痘痘，開始只係貼上膠布，之後有一次沖涼時膠布鬆悼，才發現腳指尾已傷到見骨。拓也哥指當時完全唔覺感，受驚後立刻到醫院檢查，發現血糖值已經超過500，醫生診斷後決定將腳指尾切除，加上皮膚移植，總共進行了三次手術，佢仲話再遲少少就醫，可能要切除右腳膝頭以下部份。

至於得到糖尿病原因，拓也哥表示相當喜歡食甜品，一日至少會飲五至六罐含糖咖啡，又成日食蛋糕，患病後住院開始改善飲食習慣，每天只吃沙律及雞胸肉，現在血糖值已經降到110。拓也哥以過來人身份呼籲大家要注意飲食，少食炸物多食蔬菜。

精選娛聞，喺晒《娛果》
http://fb.com/appledailyent