地產多聲道：
平治出入世運臺租客臥虎藏龍
蘋果日報 2003/02/06 00:00
蘭西最近去大角嘴港灣豪庭採訪，喺示範單位外望，見到深水埗舊樓群中，有幾座新樓，零舍搶眼。好奇心驅使，行過去睇吓，發現原來其中一座係服務式住宅世運臺，已推出招租。最特別嘅係個盤掛出嚟嘅廣告，重有埋網址，等大家可以上網睇真啲。
蘭西梗係上網搵吓有乜新聞，得到嘅資料係物業高二十五層，住宅每層三伙，分一至三房設計，單位附設嘅家具畀晒你睇，重有包括室內暖水泳池同健身室嘅會所，以及停車場。但面積同租金等資料就欠奉。
世運臺嘅網頁做得幾有心思，有興趣嘅就登入呢個網址www.olympicterrace.com.hk 睇吓啦！
喺深水埗區起服務式住宅，市場受唔受落就唔知，但已租出嘅單位，租客出入都係坐Benz，租客就夠晒份量嘞。
龍成堡有雙星拱照
唔單止買家買樓時，着重個樓盤嘅風水，唔少發展商都篤信堪輿命理，睇吓個樓盤，先天有乜優勢。英皇集團籌備緊嘅大埔龍成堡，早排就搵過風水師劉姬子睇風水。唔睇唔知，聽劉姬子話，個盤起喺大埔半山，四周圍有綠樹環抱，形狀十足似一個盤，風水學上叫做「天府着陸」，即屬一個財星聚寶盆。
而大埔滘自然護理區一帶樹木綠草如茵，喺「有情山」，有利添丁發財，夠晒好風水。屋苑個大門開喺山塘路，風水師就話前有案山，後方遠山似群臣朝拜，有利加官晉爵。美中不足係個盤獨欠水，幸好有屋苑嘅泳池作補救。呢個盤有國際巨星成龍參與，來頭已經唔少，號召力強，再加上有風水師話嗰盤風水唔差，物業有國際巨星加天府星看守，相信更有睇頭。
蘭西梗係上網搵吓有乜新聞，得到嘅資料係物業高二十五層，住宅每層三伙，分一至三房設計，單位附設嘅家具畀晒你睇，重有包括室內暖水泳池同健身室嘅會所，以及停車場。但面積同租金等資料就欠奉。
世運臺嘅網頁做得幾有心思，有興趣嘅就登入呢個網址
喺深水埗區起服務式住宅，市場受唔受落就唔知，但已租出嘅單位，租客出入都係坐Benz，租客就夠晒份量嘞。
唔單止買家買樓時，着重個樓盤嘅風水，唔少發展商都篤信堪輿命理，睇吓個樓盤，先天有乜優勢。英皇集團籌備緊嘅大埔龍成堡，早排就搵過風水師劉姬子睇風水。唔睇唔知，聽劉姬子話，個盤起喺大埔半山，四周圍有綠樹環抱，形狀十足似一個盤，風水學上叫做「天府着陸」，即屬一個財星聚寶盆。
而大埔滘自然護理區一帶樹木綠草如茵，喺「有情山」，有利添丁發財，夠晒好風水。屋苑個大門開喺山塘路，風水師就話前有案山，後方遠山似群臣朝拜，有利加官晉爵。美中不足係個盤獨欠水，幸好有屋苑嘅泳池作補救。呢個盤有國際巨星成龍參與，來頭已經唔少，號召力強，再加上有風水師話嗰盤風水唔差，物業有國際巨星加天府星看守，相信更有睇頭。
和黃放租嘅西貢松濤苑E段兩間別墅，喺新春期間分別由一家會計師樓同一家國際金融機構租咗。聽租務代理香港置業陳立鴻講，兩家公司原來喺區內睇樓睇咗差唔多三個禮拜，最後覺得松濤苑環境清幽，又有設施，同租金合理先拍板，別墅面積分別二千二同二千三呎，全包月租三萬同三萬二。兩座別墅和黃都翻新同裝修過至交畀租客。
佢話E段共有十六間別墅，和黃揸咗大部份，高峯期嘅租金可以做到四萬五至四萬八，𠵱家已回落到兩萬六。不過，由於業主願花錢翻新，所以好多租客都會續租。
剛踏入羊年，美聯新界區舵手營業董事布少明已經滿肚密圈，佢話年初開售嘅大型新盤，主要集中喺九龍同港島區，新界區嘅策略，係暫時主力搶攻二手市場，所以計劃好今個月中至月底開三間新舖，第一擊喺馬灣珀麗灣，睇好入伙後嘅二手市場，荃灣愉景新城同美孚新邨亦有新分行。
另外，春節期間美聯向將軍澳嘅將軍澳中心、維景灣畔同清水灣半島三個樓盤買家送贈金羊，董事李志成話，已送出十隻金羊，將會準備不同款式嘅金羊送畀買家，價值一千到二千蚊，計劃邀請發展商頒獎。優惠原定於年初七，即明天結束，暫時未知會唔會加碼。聽講年初一到初五嘅成交，主要集中喺將軍澳中心。
發展商頒獎畀代理嘅活動未有停止迹象，嘉里建設啱啱就頒咗個「滌濤山銷售冠軍」獎畀中原地產。
聽中原董事阮錫章講，中記喺一月份嘅市場佔有率達到六成，咁自然應該攞獎啦！原來上個月滌濤山嘅買家，全部都係廠家，有見二十四小時通關，同埋趁農曆新年假期，內地工廠休息，專程返香港買樓過年。佢估計今個月滌濤山嘅成交都會唔錯。
蘭西
電郵地址：
龍成堡嘅泳池，唔單止係設施咁簡單，重可以補救個盤風水不足嘅缺點。
中原攞到滌濤山一月份嘅銷售大獎。