【當年16歲】王君馨自爆獲邀做性施虐者 密室單對單懲罰男人
蘋果日報 2020/06/26 23:55
王君馨懲罰女性施虐者
王君馨偶爾會於自己的YouTube channel內，分享她的生活點滴、想法等等，繼之前在片中大爆自己曾經愛上拍劇對手後，王君馨再於新片內爆料，指自己曾經誤交損友，16歲時更被介紹去做Dominatrix（女性施虐者）。
王君馨在其channel內上載了「君馨Sharing之朋友點揀好」上、下集的影片，其中上集的前半部份，主力是同觀眾分享三個可以成為佢好朋友嘅必要條件：誠實、友情屬長期性、核心價值觀一致。其中友情屬長期性的意思，王君馨指有些朋友只屬季節性，可能大家當時因工作而變得親近，但當完成工作後就疏遠了，她坦言曾為此而感難過及妒忌，不過過後她就明白到，跟這些人的友誼並非屬於長期性，王君馨說：「真正嘅朋友，係50年之後你仲會關心佢，嗰啲朋友唔係話要日日都見，但當你打畀佢，或者佢有咩大update都會同你講。」
分享完好朋友的條件後，王君馨再分享兩個自己曾誤交損友的經歷。第一個是她前男友的男性朋友，王君馨指當年跟前男友分手後，這名男性友人一直如大哥哥般陪伴着她，又跟她一同做運動，又不時安慰她。王君馨指這位大哥哥更介紹了一位紅髮外籍女生予她認識：「一個非常之靚嘅女仔，好有魅力，好迷人。我朋友介紹呢個女仔畀我認識，係想訓練我成為一個更強嘅女生，咁我都覺得ok，可以學做一個更加迷人嘅女人。」不過相處日子久了，王君馨指發現該女生其實是名Dominatrix（女性施虐者），她指對方更有意邀請她加入成為一員：「原來佢覺得我有潛力去成為一個Dominatrix，嗰時我16、17歲，我覺得同一個唔識嘅男人喺同一間房，佢畀錢我去懲罰佢，如果情況變差，係真係可以變到好差，所以我同佢哋講我唔要做Dominatrix。」王君馨指拒絕了該女生後，她們仍保持友好關係，該女生更會教她如何去引誘別人，直到王君馨視為大哥哥的男性朋友，有天跟她說：「如果想我哋之間嘅關係昇華到另一個階段，可以嘗試同佢拍拖。」就係咁令王君馨決心疏遠這兩個朋友，她說：「我覺得變咗佢哋嘅玩偶，利用我去接近唔同人，想掌管我。我好討厭男人講不同藉口只為呃你上床。」
而另一個損友經歷，王君馨指對方是她從小便認識的好友，但當對方投身社會工作後，性格開始有所改變，除了在不同國家都有不同女友外，該男生有次更對王君馨暗示，希望她能成為自己香港站的女友，故令王君馨大感失望，自此疏遠此朋友。
