朱玲玲、王愛倫、袁彩雲等一班慧妍成員，與何超瓊、雷兆光夫婦、葉梁美蘭、欣宜男友及陳冠希生意拍檔、邢嘉倩男友KevinPoon等，前晚在中環出席瑞士伯爵腕錶的「HearttoHeartParty」，大會籌了六位數字善款捐予慧妍雅集，慧妍將善款轉捐給「慧妍四川賑災基金」，為四川地震做善後工作。

本身是緬甸華僑的朱玲玲，眼見地震人人出力，但緬甸風災卻無法支援，使她十分慨嘆，她說：「好可惜，因為緬甸對香港人嚟講，唔係咁熟悉，加上當地政府好封閉，對外嘅渠道都封鎖晒，想幫都幫唔到，消息又唔知，唔似四川災情咁touch到每個人個heart，但其實緬甸都好慘。」
朱玲玲透露仍有親友在緬甸受災，她說：「媽咪有打過電話畀佢嘅cousin，初時電話線都唔通，後嚟知道佢哋平安冇事，但啲房屋就倒塌晒，我哋想畀錢幫佢哋起屋，但連起屋嘅工人都受災，根本搵唔到人做，啲材料又俾政府鎖起，要重建間屋都有困難，𠵱家又快到颱風季節喇，我真係好擔心。」在為四川籌款的同時，想到緬甸也死了十多萬人，她坦言心情非常矛盾。問她可會特別珍惜身邊人，例如羅康瑞，朱玲玲說：「唔止身邊人，呢個時刻所有嘢都要珍惜。」她又指不想多提私事，避免搶去慈善募款的風頭。

昨日朱玲玲的前夫霍震霆出席《香港2009東亞運動會義工計劃》，他被問到前妻朱玲玲跟羅康瑞在上海拍拖，他說：「我以為你哋問我運動會，下次先講喇！」記者再追問霍啓剛的緋聞女友郭晶晶被傳大肚一事？他笑說：「你問我仲好喇！我個肚最近縮咗。」
此外，前晚出席伯爵腕錶的嘉賓也為四川籌款出力。九巴後人雷兆光、雷林靜怡夫婦說：「6月7號係我哋結婚10周年紀念，已經叫晒啲朋友唔好送禮，寫張支票折現寄去紅十字會就得。」至於最愛買衫的名媛葉梁美蘭則說：「冇心情買嘢，天災咁耐，就冇買嘢咁耐，我將shopping嘅錢捐晒去災區。」
採訪：梁錦雯
攝影：陳慧安