邵音音噚日去咗觀塘宣傳新片《玩轉全家福》，佢話𠵱家拍緊葉念琛新片，同王菀之飾演兩嫲孫，大讚王菀之有演戲天份及功力。邵音音話：「自己飾演一個好霸道嘅嫲嫲，係一個好強嘅嫲嫲，好多內心戲，角色唔係成日鬧人，只係有自信同埋控制慾強。角色係一個上海婆，原先導演叫我講上海話，但係佢話太多聽唔明，都係講番廣東話算。」
撰文：馮仁昭