【更新內容】

由吳京做主角嘅《戰狼2》，早前喺大陸上畫至今43日，到今日累計票房已去到55.9億元人民幣(約67.3億港元)。

吳京喺戲入面飾演嘅前特種部隊成員冷鋒，喺呢一集打到去非洲救內地同胞，宣揚大中國主義，喺一片國人自high情況之下，成為中國史上最高票房華語電影。部戲o依家仲上緊，同時更擠身史上全球最高電影票房首100位，創造咗「中國電影的神話」。

吳京同女主角盧靖姍噚日嚟咗香港出席《戰狼2》嘅首映，中聯辦都好畀面，噚日包咗兩行睇首映。可能畀吳京加持過，今日上映嘅《戰狼2》即時票房非常省鏡，早場同中午場好多都賣過滿堂紅。（新聞連結： http://bit.ly/2gNOiun ）截至下晝7點，喺5部今日上映嘅電影中，佢嘅即時票房以23.7萬元，暫列第4位。

以一部主旋律電影嚟講，成績算係有交代，只係輸畀湯告魯斯（Tom Cruise）嗰部《巴利薛爾：飛常任務》（American Made）嘅40萬元同《小丑回魂》(IT)嘅40萬元，比另一部港片《西謊極落: 太爆.太子.太空艙》嘅29萬元即時票房。至於另一部今日上映被譽為年青版《狂野時速》嘅《非常速盜》(Overdrive)暫時只係得3.2萬元。另外，有戲院行內人話一般包場通常揀早場同中午場，所以過咗5點半檔次後，票房成績見真章，被其他幾套電影拉開差距。