【短片】【有片】獨家搶先爆35歲人妻官恩娜陀羊B
蘋果醫生人妻老公ella35歲即時未夠孕味三個月索爆散晚晚慰妻
近年好多高齡女星都趕生B,就連現年35歲嘅索爆人妻官恩娜(Ella)今年2月閃嫁外籍醫生後,即揚言想陀羊B,據知Ella終於如願以償,噚日《蘋果》喺灣仔街市影到撞到身穿鬆身衫嘅Ella,肚仔微微隆起,散發出陣陣孕味,Ella當日去完街市買餸,再去超市掃貨,唔知係陀B胃口激增,定係想自己煮食得健康啲,買咗好多嘢返去慢慢食。
至於,佢個廿四孝醫生老公就日日收工,即刻坐小巴趕返屋企慰妻。據知Ella仲有3個月就夠36歲,早前又講過想生B,未知係唔係目前未夠三個月,暫時唔公佈得呢?