為咗備戰立法會九月埋身擊，八方發現最近好多有意角逐連任嘅議員都有newlook。好似單仲偕咁，佢最近大破慳囊，用咗幾百大元去理髮店將白髮染黑，偕哥話，佢係奉老婆之命去染髮，改吓個形象喎，唔好成日都係咁嘅樣。
偕哥咁聽老婆話，遲早發達，原來佢老哥至今只染過兩次髮，第一次係當年結婚大喜之日，當時只有二十幾歲嘅單仲偕唔知係咪家族遺傳，已經長出白髮。
其實中國好多領導人好似江澤民同李鵬頭上烏卒卒嘅頭髮都係染黑嘅，話咁先有權威。白鴿黨中李柱銘都有時要染吓髮，聽講全部由李太主理，唔使幫襯理髮舖。
當然媽田已經六十幾，偕哥同阿富同年，佢個月先至滿四十四歲，好後生啫，唔可以同媽田比較。
另一個唔同咗樣嘅係民建聯譚耀宗，八方喺電視見佢冇再戴眼鏡接受訪問，唔知係咪做咗激光？



傳真︰2623-9278
電郵︰[email protected]