當年憑電視劇《射鵰英雄傳》演活黃蓉爆紅的翁美玲，因與男友湯鎮業情海翻波，於85年開煤氣自殺身亡。後日是翁美玲55歲冥壽，雖然她已離世29年，但翁迷對她念念不忘，昨日六名翁迷帶備蛋糕、紙紮麻雀、New Balance波鞋、手機、信用卡、3D眼鏡等祭品，到清水灣湛山寺拜祭偶像。
翁迷還帶了很多以前的報紙、周刊、紀念集等到場，懷緬偶像生前的點滴，其中《翁美玲特集》內有她和湯鎮業的合照，還有她選港姐時的相片；《我的遺作》則有翁美玲的遺容相和生前寫給媽咪的最後一封信。
網名湛山子的男翁迷說：「82年出道已鍾意佢，生忌、死忌、清明、重陽都嚟拜祭，我哋重組咗翁迷會，每年用呢個名義捐款，仲喺大雄寶殿幫翁媽點平安燈，亦會接待內地翁迷去故居、母校睇吓，下年係佢逝世30周年，有人提議做畫展。」劉小姐則說：「幼稚園開始鍾意佢，雖然好多翻拍《射鵰》，都冇興趣睇。」

湯鎮業在翁美玲自殺後備受千夫所指，事業一落千丈的他轉輾往台灣和內地發展，經歷了兩段婚姻，01年與亞視藝員姜坤離婚，08年與25歲青島女子文靜再婚。現身在內地拍電視劇的湯鎮業，對於翁美玲的粉絲如此長情，他昨在電話中欣慰說：「好事呀！粉絲咁長情，我喺內地拍緊劇，最快要拍到月底先可以返香港，所以佢冥壽我都唔會返嚟拜佢，以前偶然都會去拜吓佢，但近年有咗自己家庭就少啲去啦！不過有時撞到啲粉絲或朋友，都會同我提起佢，所以有時我都會想起佢！」
採訪：文國駿
攝影：陳慧安