黃榕同湯沛宜今日喺九展參加健美小姐比賽，兩人去水操肌，分別練成20.5吋腰同23吋腰，佢哋笑謂o依家係「超低脂」狀態。黃榕話佢哋連續一個月，每日做9個鐘運動：「我連個胸都降埋cup，遲啲要食番啲木瓜補下。」

問黃榕男友有冇話佢太瘦？佢話：「佢成日話我仲有啲fat呀，不過參加呢個比賽係因為佢上年攞咗亞軍，我覺得好正，所以先參加。」

湯沛宜早前就因為心急收身而暈倒，眉角受傷仲縫咗7針，不過就好滿意身形。佢哋喺頭輪選拔已經係最後六強，黃榕話：「我哋冇諗住攞獎，係經驗，不過都想下年再參加。」佢哋仲話完成比賽之後，要食啲重口味嘅嘢獎勵自己。

精選娛聞，喺晒《娛果》
http://fb.com/appledailyent