「同我細個嗰時比,依家已經係完全唔同。」18歲的Nick是千禧年後出生的一代,成長於香港回歸後繁華盛世,自由是與生俱來,唾手可得,但隨着港版國安法實施,北大人的無理打壓變本加厲,言論自由備受衝擊。今年9月他將會赴台就讀大學,但學成後會否回來香港,他仍未有答案,明言赴台完成學業後會先返港,現階段只想「走一走」,但若香港他日情況再轉差,便考慮在台灣定居,永別香港。
Nick指自知成績不能考入本港大學,早已計劃赴台讀書,但一直遲疑不決,「原本我都未諗定(係咪去),但因為今年呢個咁嘅情況,就(令我)更加想去台灣讀書。」他指《國安法》實施後,感覺香港會變得越來越陌生,「你整到完全係跟大陸一模一樣,即係香港已經冇咗一國兩制,直接變咗一國一制。」
Nick坦言,自己在過去一年有參與遊行示威,直言香港近月已發生許多極盡荒謬的事,「今年反送中嗰啲問題,你已經驚出街無端端會俾人拉返去,依家有《國安法》,更加會以言入罪,你嗰啲自由乜嘢都會差咗,所以先想走一走。」作為年輕人,他認為中共明顯違背諾言,現在更強推《國安法》,硬把「自由之都」的香港一手摧毀,推翻高度自治的承諾,「佢講50年不變,會到2047年,真係冇諗過,完全係忽然間變到好似大陸咁。」
訪問當日,正是6月30日《國安法》表決的日子,Nick坦言中共實施《國安法》但條文含糊不清,令他更覺惶恐,特別是對被送中感到驚慌,更想盡快離開香港,「即係啲詳情都未出嚟,啲條文係點冇人知,市民係唔知你訂到點,我想像就一定會變到大陸城市咁,一定有嗰啲話政府有咩唔好,突然就被人拉咗返去,之後就消失咗,都會驚呢啲之後會(發生)。」
不過,即使再驚慌,Nick都認為香港是他的家,「始終香港住咗咁耐,都會有啲感情。」他指,未來數年會先在台灣完成學業,笑言自己仍懷着希望,渴望這個家未來不會「淪陷」,坦言《國安法》實施後仍會發聲,離港前仍會「盡做」。