當年今日
關於我們

【駿王退役】劉小慧不捨7歲愛駒返新西蘭:我喊到甩轆

蘋果日報 2020/03/16 17:46

劉小慧蘇志威駿王

蘇志威和老婆劉小慧名下的愛駒「駿王」宣佈退役!去年「駿王」曾爆11倍冷Win取得在港首捷,惟上月「駿王」被發現心律不正,近月缺席晨課,今日練馬師鄭俊偉指蘇志威已答應讓「駿王」退役。一直將「駿王」當兒子疼愛的小慧十分不捨,她接受《蘋果》電話訪問說:「頭先喊到甩轆!」
問到「駿王」退役的原因,小慧說:「成日唔畀佢出賽,再繼續玩都冇意思,既然係咁,惟有退役,佢就嚟7歲啦。」至於退役後的安排,小慧說:「而家選擇送佢去新西蘭,佢留低喺香港機會未必咁大,唔想再蹉跎時間,搞到我心力交瘁,成日擔心佢出唔到賽,又擔心呢樣,又擔心嗰樣,我覺得香港可能唔係適合佢嘅環境,咁算啦,同埋佢要留喺香港,都未必一定可以留到。」
雖然未能再為主人出賽,但小慧已為愛駒安排好去處:「梗係有好地方畀佢啦,唔會唔理佢下場,呢個一定唔係我,我咁錫佢,當佢好似仔咁,一定唔會棄養,day 1養佢已經預咗一筆數。」問到老公和囡囡是否都很不捨?小慧說:「梗係唔捨得,但最唔捨得嗰個係我,投放最多感情落去,真係好唔捨得,頭先都喊到甩轆,而家先平靜啲。之後一年可能見一次,仲要係我飛過去,我一定會去探佢,呢單嘢好傷,唔係錢傷,係感情傷。」
最後,小慧感謝多位曾照顧「駿王」的人:「我好多謝練馬師鄭俊偉,佢好好心機照顧馬匹,仲要多謝騎過『駿王』嘅杜利萊同郭能,同埋馬房裏面各位愛錫駿王嘅人。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》