【引渡惡法】陳健波再發「偉論」:(示威者)表面係遮,下面係啲利器係咁篤
陳健波逃犯條例引渡惡法
本月中財委會主席陳健波曾公開指摘反送中示威者令他成為受害者「我嫖賭飲蕩吹都唔啱嘅,點解你哋要破壞我嘅生活呢?依家我收成期吖嘛!」直至港府在面對兩次逾百萬人遊行終於「跪低」,陳健波今早出席港台節目時再次發表「偉論」,他指外界建議成立獨立調查委員會調查6.12事件,認為如果更廣泛大家亦不會反對,直言要「要查吓示威者資金來源」,對於警隊近日成為眾矢之的,他指警隊面對很多阻力,「示威者手上表面上係雨遮,但下面係利器」,長此下去只會令無能力移民的香港人繼續留在香港受害。
陳健波認為香港現時「香港冇晒言論自由,有第二種聲音就會攻擊你」,而民間更將事件國際化,會令到「香港好多人受害,邊個救你,咪又係中國救你!」對於事件令警員成為磨心感不值,認為警察只是執行政策,代表政府維持香港治安:「有啲(示威者)表面係遮,下面係啲利器係咁篤」,陳健波表示,獨立調查委員會如果能用最公平、徹底方式調查,不會有人反對:「極小部份做啲過份嘅嘢,示威者都有,警察都有」但不應醜化所有警察,欺凌警員家人,形容「喪盡天良」,因大多數警員都希望做「鋤奸、扶正」的工作。他又質疑整個行動背後有「大台」操控,認為調查也應涵蓋示威者的資金來源。
-----------------------------
民陣G20「Free Hong Kong」集會
日期:6月26日(三)
地點:愛丁堡廣場
時間:20:00-21:00
-----------------------------
【登記做選民 7月2日截止】
登記方法:
。親身取表填寫及郵遞
。網上登記(可用手機登入,在選舉事務處網頁打開REO-1表格,使用免費手機應用程式Adobe Fill & Sign打開表格,再按指示填寫資料,按儲存文件並以點擊分享,再電郵至
[email protected])
詳情可參閱選舉事務處網頁:
https://www.reo.gov.hk/ch/voter/gcnr.htm
-----------------------------
7月4日起 《蘋果動新聞》只限升級壹會員閱覽
繼續撐蘋果!