【人物專訪】持有10個舖位的蘇民峰，預計樓價今明兩年稍跌，他又稱香港地運在2024年會一轉，目前買唔到樓，可等該年，而2021年最好賣資產。

蘇民峰表示，香港股、樓、經濟於2016年起是上行周期，至2021年見頂，樓市今年開始呈現跌勢，他料明年難有起色，「豬年賺唔到大錢」。他聲稱，地運每20年轉一次，過去地運轉變交界年份，包括有1984年、2004年，下一次轉運是2024年，屆時北區當旺。他續稱，2004至2024年旺西南區，一個地運去到十年就見頂。

「我係計到2024年如果衰點算，所以早三年，即2021年攞錢呀!（現在買不到樓點算？）等2024年，實有循環，唔會一路咁升，經濟、社會都有循環。香港同大陸都係，但香港大跌機會難，因為香港等於美國紐約，周圍跌，紐約唔跌，每人都想喺紐約買層樓，度假都好。香港嘅情況就似美國，咁多內地富豪，一個省一個巴仙買嚟（香港樓）度假，跌唔落!」

他現手持的物業以商舖為主，1991年買鄰近佐敦德興街第一層樓，6萬元首期，半年後賣出，現無持細價樓。早前有代理向他問價，開價五萬元一呎，但最終不了了之。他坦言物業並非最好的投資工具，收租回報較定期存款更差。

沽股票做定存

早年密密掃街舖，主要分佈於中環及尖沙嘴利時商場，舖租成為他主要被動收入來源，據他講已有足夠生活費及每年約10次旅行支出的資金，達到財務自由。現時他一周工作數天，一日只睇三個客，每個一小時，休閒度日。

另外，他亦有投資股市，本預料去年11月見頂，當時沽了一半倉，轉至銀行做定期，「原來有兩厘息」。現時他還持有領展（823）股份收息，今年於藍籌中算是表現理想，本年至今微升1.2%，跑贏恒指。另外看中美麗華酒店（071），逢見價位回落就買入，他指情有獨鍾的原因是該股持大量現金，現時市值93億元，截至6月銀行存款則有47億元，「一係買嘢（收購）、一係派特別股息」。
記者︰余慕恩