楊岳橋:湯家驊是民主戰士

蘋果日報 2015/06/25 00:00


【人物專訪】
因力主與中央溝通的溫和路線,令早前宣佈退出公民黨兼辭任立法會議員的湯家驊,在政改期間不時被激進泛民質疑會「賣港」撐政改。被湯視為「徒弟」的公民黨新界東支部主席楊岳橋受訪時為「師父」平反,多番以「fighter」(戰士)形容湯在民主路上的堅持,強調湯與公民黨沒根本上的分別,但承認社會發展改變,公民黨路線也要因時制宜,就算認同須與中央建立關係,溝通卻不能只是單向。
稱湯與公民黨沒根本分歧
溫和路線令湯家驊成為政改轉軚嫌疑犯。一直獲湯提攜的楊岳橋受訪時強調,湯家驊對民主非常堅持,「佢好有自己一套信念」,只是爭取手法上與公民黨有別,而由政改諮詢至表決近20個月,他從沒有一刻想過湯會轉軚。
人大8.31落閘決定重挫湯家驊,楊岳橋憶述,當日聽到湯有因此退黨及辭職的念頭時亦悲從中來,「佢係一個fighter,佢唔會輕易放棄嘅人,但如果佢都咁諗,我都會諗:香港嘅民主空間仲有冇㗎呢?」
湯家驊退黨一大原因,是與黨的路線有分歧,楊岳橋堅持湯與公民黨沒根本上的大分別:「佢(湯)係將不同(意見)帶出,但公民黨同佢有乜嘢咁大分別?你要溝通、公民黨都會溝通;你要卑躬屈膝(爭民主),湯家驊都一定唔會,咁有乜嘢分別?」
至於湯家驊指公民黨黨綱確實提出透過與中央建立關係、理性爭取普選,近年卻先後參加五區公投、佔領運動等抗爭,被指偏離創黨理念,楊岳橋認為:「唔係公民黨變咗,而係社會根本上都變咗,作為政黨,必然要因時制宜,呢個係手法問題,公民黨嘅核心理念唔會變」,2010年入黨的他強調,「公民黨仲係(我)心目中嘅公民黨,冇走樣。」
認同與中央溝通但非單向
他並指認同要與中央溝通,但與中央建立良好關係卻非單向:「白皮書以致8.31決定,我睇唔到基礎或者(溝通)空間,你(中央)板起塊面話8.31就係咁、冇得傾,仲有乜空間可以溝通?溝通係互動。」但他不認同湯家驊政改期間拉攏中央與泛民「埋枱傾」是一廂情願:「咁講對佢好唔公平,佢係盡咗最後努力去爭取。」
■記者陳雪玲