港交所C輪2280:大市嘅成交縮咗,近期走勢偏強嘅港交所(388)可能會出現回吐,昨日收市報70.45元,成交連續第2日下跌,MACD繼續與股價背馳,下周有機會回試10日線,條線𠵱家喺68.24元,技術上應該守得穩,到個市嘅成交升回500億元樓上,港交所將會回復強勢,吼實啲港交所C輪,等正股回落到10日線水平吸納,會有唔錯嘅值博率。港交所C輪2280昨日收74仙,仲有半年期,溢價9.9%,槓桿率9.5倍(有效5.5倍),對沖值0.57,引伸波幅34.9%,正股升上75元,2280應該破1元,正股見78元,隻輪會喺1.20元樓上,正股回試10日線可買,跌穿66元止蝕。
俊 樺