沉舟側畔千帆過 病樹前頭萬木春

馬會公佈下季騎練名單，立即成為全城熱話談論，特別莫雷拉的離開，更加是焦點所在。很多圈內圈外人覺得可惜，香港少了一位叫座力同好騎師，而且令潘頓立即獨大。正如我題目講，世界是不會因為少了一個人而停止轉動，明年馬照跑，舞照跳，好快又會有另一個拉叔出現。

其實早在一年多前，已經知道拉叔找到更可觀收入，他的家人及友人都建議他向外發展，特別是歐洲市場，可惜一直沒有合約送到他的門口，我心底亦同樣覺得他如果想證明自己具世界級騎功，向歐洲馬圈挑戰係必須的，雖然暫時未能成行，日本都是一個不錯的選擇。

馬會一手創做這位很多馬迷稱他為「雷神」出來，可惜最終他還是步很多當年一批英國冠軍級騎師後麈，偶有令人難以理解之發揮，明顯例子包括最近「新界之星」，馬會只有啞子食黃蓮，賽後連問話都冇一句，雙方關係外人難知，當年那批冠軍人馬亦突然匆匆而去，如大家亦同樣好來好去，這個結局亦應該是最好安排。

今期6月10日賽事介紹：
三場「笑傲非凡」
五場「好甜橙」
七場「金獅雷將」
十一場「芙蓉莊」

文：沈國成（Now668台賽馬主持；Now668台賽日中午起播放賽馬直擊）