新人鄒文正今日喺新城宣傳新碟，今次係佢第二次出碟，佢話反應幾好仲加印。鄒文正話嚟緊要去廣州同貴州宣傳新碟，問佢怕唔怕內地H7N9肆虐，佢話唔怕，因為佢都係喺亂世中成長（指03年香港嘅沙士），不過佢都會帶定口罩，咁會唔會戒食雞？佢竟然話唔怕，仲話好多嘢係避唔到，最緊要徹底煮熟。

提到陳僖儀(Sita)不幸車禍逝世，鄒文正同佢係同屆新人，佢話：「我哋不時會喺後台見面同傾偈，佢嘅離開，係廣大樂迷損失，我聽到呢個消息都覺得幾突然。Sita係個好斯文、好好嘅女仔。」鄒文正又大歎生命無常，如之前爸爸過身，對他而言亦是一大打擊。