「便當有卡通造型嗰時，即是Candace開心；便當得剩菜同斷指，即是Candace老公又做錯事」。Candace Mama fb專頁，每日一update煮給日籍老公的卡通便當，已經成為她跟九萬多名follwers交流的方法，留言除了點菜想看的卡通造型便當，當然少不得人妻們圍爐鬧老公。自2014年開page，6年過去，這位靚媽將整便當這件「黃臉婆」的事，發展成KOL事業，但原來初學做卡通便當時，日籍老公曾大力打擊。

「當初我老公猛咁同我講，你做唔到咖啦，日本人有嗰啲係art sense，你哋香港人係做唔到㗎。」日本男子這句，激出好勝港女勝負欲，看書學整不同卡通造型便當，6年前更開始每天在 fb專頁update，收穫到一眾fans，更得到不少品牌邀請代言或出席活動。由全職媽媽變身KOL，以為只會假手於工人姐姐，或直接去日式超市買包裝食品，但原來一家四口的大小家務，都由這位日本媳婦一腳踢，初次見面，她就熟練地帶記者穿梭鵝頸橋街市搵蠔仔煎蠔餅，「其實煎蠔餅唔難，係買靚蠔仔好難，因為你睇吓啲蠔仔，要粒粒脹卜卜先新鮮。」

不是紙上談兵，真正落手下廚也難不倒她，Candace的入廚路早在小六開始，從小跟煮得一手拿手潮州菜的婆婆同住，一般潮州舖食到的「大餸」，「即係反沙芋個啲，啲人見到嘩嘩聲，但我哋成日都食，食到厭㗎喎」，因為除了美味婆婆的煮法更會兼顧要健康少油，味道完勝打開門做生意的打冷舖。每當掌廚的婆婆回鄉小休，鑊鏟下放給Candace媽媽，就出事了。

媽媽自少有婆婆照顧，不常入廚，廚藝跟婆婆相比是幼稚園跟五星級大廚之比，正如Candace兩個女兒亦無需入廚，她形容為「隔代遺傳的廚藝」。當年早已被婆婆養得嘴刁的Candace決定自救，由炸雞髀開始跟婆婆偷師，放學做好功課就負責煮飯，出嫁後想起某個菜，仍會打電話問婆婆。婆婆已年近九十，仍不放心這個在外開班教煮食的小孫女，每當Candace回娘家入廚，「都係要企喺廚房側邊望住我，不停咁喺度同我講，等我嚟啦，我教你點做啦，哎呀我怕你唔識呀。」

跟婆婆學廚多年，謙虛地說希望得到婆婆一半功力，她覺得最大學習是為家人刻苦耐勞的性格，從小見婆婆凌晨四時半起床操持家務，現在自己五時半起床煮早餐和做便當也不覺苦，擁有「 港女」難得的賢妻良母基因，但日籍老公起初「唔識寶」，覺得每個日本女人都識煮飯，以為港女識煮中菜實屬平常，更經常告誡日本朋友，「喂！千祈唔好娶港女做老婆呀！」因為日本跟香港的文化差異，大至結婚後女方應否馬上辭職，小至收工後老公能否跟朋友去happy hour，兩口子爭吵不斷。受不了老公每晚十一時前都不回家，周末更會玩到兩三點，但自己就要持家湊女，有次Candace「嬲到飛起」決定離家出走，叫老公回家照顧只有一個月大的女兒，自己去住迪士尼樂園酒店。經此一役， 港女小勝日男一仗，但此後仍有其他大大小小爭執，Candace想到另一個方法發洩...

反正老公每日的便當菜式掌握在老婆手，打開看見純白的蛋白炒豆腐粒配銀芽便當﹑一片綠油油的雜菜便當﹑原個罐頭上便當，就應該知自己做錯事。也有暗黑系列的斷指便當﹑詭娃安娜貝爾便當和小丑回魂便當，被網民批評刻薄老公，Candace卻說「你寧願我瘋狂鬧到佢狗血淋頭，定打開飯盒發覺無餸好？」，Candace邊砌暗黑飯盒，想到老公打開的反應，令他午餐「無啖好食」，既成功折磨他，自己亦已經順氣。結婚多年來的爭執都可以此解決，老公應該深明Happy wife, Happy life的意義。

在廚房砌便當本應很「黃臉婆﹑小女人」，因為得fans欣賞，Candace開始接到出書﹑代言﹑廣告和開親子煮食班的工作。她自言幸運有這個轉捩點，「我成日都同人講，唔好放棄自己，就算你結咗婚﹑生咗仔，都不代表你完咗，仲可以去搵自己鍾意做嘅嘢。」眼見不少媽媽眼中只有家庭，自己幾年都沒有添新衣，就算買衫亦只會幫丈夫和小朋友買，Candace覺得不太健康。「等於唔可以將人哋嘅快樂，當成自己嘅快樂，當然我會登我小朋友同老公開心，係無問題，但可唔可以有返屬於自己的快樂呢？」

拿着手工剪在紫菜上剪出雪人的眼睛﹑用小刀在香腸切出聖誕鹿的耳朵，Candace專注砌便當時，找到自己的快樂，也順便收穫幸福家庭和事業，你的快樂又是在哪找到？

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！