【新增短片】
復活節唔一定要食復活蛋，食下台灣滷肉飯，都係唔錯嘅選擇！唔知大家有冇留意到，滷肉飯早前被CNN選為40款「非吃不可的寶島美食」第一位，呢款台灣「寶物」會喺復活節填滿大家嘅口胃。

台灣觀光協會同號召咗8間嚟自台北、台中、台南等各區人氣滷肉飯店，聽日起至4月2日喺荷里活廣場參加全港首屆【台灣滷肉飯節】，希望將台灣著名滷肉飯同肉燥飯共冶一爐，百年古早嘅味道、又或創新料理配搭嘅秘方，呢次都齊齊嚟港，即場鮮製招牌飯，以饗全港嘅老饕。

如果想舌尖留有多啲回憶，聽日起至活動期間每日下午1時起，喺商場即場捐款港幣30蚊畀港澳台灣慈善基金會有限公司，就可換領滷肉飯一份，仲附送精選湯品，肯定可以滿足一眾台灣控。