上個月初被本報踢爆如蕭公子喺淺水灣踢水、又sweetsweet拖手行沙灘嘅黃翠如，日前再一次被發現同男友赴馬來西亞預支蜜月，而佢哋喺馬航MH17班機墜毀後，如期搭馬航班機返港。

翠如BB今日喺銅鑼灣出席活動，就明言對外遊被撞破感無奈。不過講到蕭公子雅興起，回應記者時就話：「只要同翠如一齊，就咩危險都唔怕。」呢句咁驚人嘅對白，又被指責不顧別人感受。

翠如BB就幫手回應話：「我帶埋佢去見朋友，馬航事件當日喺馬來西亞同一班朋友一齊，有朋友嘅朋友一家四口遇難，其中有一個係2歲BB，聽到好難過。件事唔關咩航空公司事，所以冇諗要轉機。馬來西亞人都好唔開心，可能大家好深感受，好多人過身，所以大家都覺得好沉重，希望世界唔好咁多病痛。」