現年38歲嘅韓國男星李東健，去年公開與劇集《月桂樹西裝店的紳士們》35歲拍檔趙胤熙嘅戀情，兩人更奉子成婚，同年9月舉行非公開婚禮後，12月就宣佈囡囡ROA平安出世，變成幸福一家三口。

不過李東健未有好似其他韓星咁，將寶貝女收收埋埋，更透過官方粉絲網站大方公開ROA嘅近照。相中，9個月大嘅ROA穿上白色連身裙，捉住身旁嘅凳仔等自己可以企穩，而佢嘅目光就望住啲泡泡，似乎感到好神奇，十分可愛。

而李東健亦於網上寫道：「近日正忙於拍攝新劇《狐狸新娘星》，噚日就以老公、爸爸嘅身份去錄製綜藝節目《我家的熊孩子》。」李東健又大讚老婆係湊B達人，又指囡囡依家已經識行、識叫「爸爸」、「媽媽」，直言與家人一齊感到相當幸福。

精選韓流，喺晒《娛果》
http://fb.com/appledailyent