《蘋果》讀者區先生稱,他於今年六月底獲配大圍美林邨美桃樓一單位,他於收樓後發現大門難以開關、地台爆裂、客廳窗門、廚房玻璃門不能關上、玻璃穿洞、廁所排污水渠滲漏等,即時通知房屋署修葺,他等候了一個月,職員只替他維修廁所排污渠管,卻未有處理其他問題。
被迫付兩份租金
他不滿地向記者表示:「我都已經通知咗佢哋成個月,但都唔同我整,你叫我點入去住。件事都拖咗成個月,我又要就嚟交租,兩邊都要交,我邊有咁多錢吖。而且我今次已經係第三次抽籤,我冇得揀唔要。」
他說,他和就讀小學的女兒現時租住旺角的套房,要繳付兩份租金,十分吃力。他深感不明的表示:「我都唔明,當日房屋署點樣收番個單位返嚟,唔係呢度有問題就係嗰度有問題。我都唔明嗰時房署啲職員點解咁都收貨?」