【赴日發展】陳漢娜被阿媽懷疑性取向 想認古仔做契爺阿澤係老竇
蘋果日報 2020/04/05 09:00
古天樂杜汶澤Hanna陳漢娜墮落花
（攝影︰仇志德/網上圖片）- 設計書有不少日文參考書，促成學日文。
- 因為疫情令Hanna要推遲日本之行。
- 初中時喜歡跟女同學玩。
- 試過被日本人以為是同胞。
- Hanna化身老師教日文。
- 小時候曾懷疑過自己性向。
- Hanna拍攝的日本藝術j宣傳片。（短片截圖）
- （短片截圖）
- （短片截圖）
- 日文靠自學成功。（IG圖片）
- Hanna不時要到日本工作。（IG圖片）
- 在《墮落花》跟溫碧霞有咀嘴戲。（劇照）
- （劇照）
陳漢娜（Hanna）大學修讀廣告設計系，不少參考書籍都以日文寫成，促成她學日文的動機︰「你見到好多日本嘅設計同書本都好靚，但內文又睇唔明，所以我覺得應該去學學日文。」其實有份不甘源於小時候跟家人到日本旅行，她笑說︰「講又唔識講，聽又聽唔明人哋講乜嘢。開頭係出去讀，讀咗一年半之後，發覺自學唔難。」Hanna自言已經可以應對日常生活及工作上的會話，試過到日本替雜誌拍照，同場的日本人都以為她是自己人。為方便在日本工作，還改了日文名「ハンナ」，即是Hanna的日文拼音。
剛完成李卓斌導演的電影《墮落花》，原定計劃是到日本Working Holiday，可惜被突如其來的疫情搞亂，她說︰「本來打算舊年春天過去，但剛好要開工拍戲。計劃推遲到今年，點知日本出唔到簽證，不過一畀去就會過日本。」Hanna話過日本後會以當地做發展基地，港日兩邊走︰「香港有工作會返嚟，想喺嗰邊試另一條路，唔想只局限喺香港工作。喺日本都有聯繫，亦都喺日本拍過套藝術短片《Grand Bouquet》。」
講到新作《墮落花》宣傳都集中在Hanna跟溫碧霞的一段情慾戲，Hanna笑言未去到同性戀的行為，只是在情感上出於憐憫的曖昧行為，她笑言小時候經歷有助代入「偽同性戀」戲份，她笑說︰「由細到大都係同女仔玩，一直沒拍拖，媽媽試過講笑咁問我『你係咪同性戀』。自己都會諗係咪呢？都有一刻懷疑過自己性取向，可能一直以嚟都係同女仔玩。不過好多中一、中二嘅女生都會有呢類青春期嘅疑惑，事實當然唔係。」
在電影發展中Hanna算幸運，出道作品《殺破狼·貪狼》有古天樂加持，演他的囡囡，對上一部《G殺》飾演杜汶澤女兒。作為新人面對兩位影帝她笑言沒話好說，如果要二選其一認親認戚，Hanna話︰「揀老竇我係搵杜汶澤，因為佢講嘢好好笑，古生梗係契爺，佢咁靚仔。」
採訪︰何永寧
攝影︰仇志德
攝影︰仇志德