當年今日
關於我們

【父母冇壓力】同老公早有共識 42歲盧巧音嘆年紀唔細唔造人

蘋果日報 2017/06/18 11:31

盧巧音I Love You Boyz

樂隊Yellow成員何兆基,早前喺旺角麥花臣舉行以卡通片主題曲為題嘅音樂會,由於反應熱烈,火速就已經喺晚上於九展舉行Part 2,仲邀請到盧巧音(Candy)、樂隊Kolor、I Love You Boyz、Yukilovey同Nowhere Boy等樂隊演出 ,除咗大唱卡通片主題曲之外,全部都用心Cosplay經典卡通人物,例如Yellow就扮龍珠、I Love You Boyz兩個就扮藍精靈。
而喺Nowhere Boys演出時就請嚟Super Girls嘅Cheronna做嘉賓,近日被指介入黃奕晨戀情嘅Cheronna,演出完後以趕時間為理由離開,未有接受訪問。另外,麥長青又以神秘嘉賓上台,仲即席唱咗幾句兒歌助慶。
I Love You Boyz嘅當奴同阿占受訪時就話,佢哋一開始就係想扮藍精靈,阿奴話:「我哋喺網上搵到成套藍精靈衫,而且價錢好相宜。」阿占就表示:「何兆基一搵我哋就答應,因為我哋艾粒開騷佢都有幫手,所以二話不說就嚟支持。」
至於盧巧音就獻唱《千年女王》,但就無Cosplay,佢話:「因為搵唔到個紅色皇冠,希望下次有機會扮到。」反而老公Sammy嘅樂隊Kolor就用心得多,全部人扮晒「熱血硬派」造型,Sammy話多得隊友特登由日本帶咁多套衫返嚟。
講到兩公婆經常拍住四圍開騷,咪無咩時間「造人」?Candy話:「唔造啦,年紀都唔細啦,唔想生出嚟無體力湊佢同佢玩。」身邊嘅老公亦話:「我哋有晒共識,而且大家父母都無問題,最緊要我哋開心就得。」
至於搞手何兆基對音樂會好滿意,希望再搵到贊助就可以開Part 3,仲預告如果開得成保証有番多啲女卡通人物。
攝影:仇志德
empty
攝影:仇志德
empty
盧巧音話同老公Sammy早有共識,唔打算生B。
empty
empty
I Love You Boyz扮藍精靈。
empty
亦有扮龍珠。
empty
同海賊王路飛。