「雷神」澳洲男星基斯咸斯禾夫（Chris Hemsworth）噚日現身悉尼舉行嘅動漫展Supanova，雖然對與基斯簽名同合照，大會要分別索價200美元（約1,560港元）同210美元（約1,638港元），唔少粉絲都嗌貴，但活動仍然有唔少粉絲捧場，基斯仲披露咗《雷神奇俠》第三集《Thor:Ragnarok》少少內容，總算安撫到一眾入場粉絲。

《雷神3》劇照見到基斯會以短髮新造型示人，原來部戲入面，基斯仍然有三分一戲份仍然會係長頭髮，佢又爆雷神同「邪神洛基」湯赫度斯頓（Tom Hiddleston）嘅關係今集會同之前好唔同，同時雷神會喺今次戲入面添增咗疤痕。

另外，基斯又話每次拍完《雷神》後，都會偷咗雷神鎚返屋企，所以大家會見到每集個雷神鎚都會有少少唔同。