黃子華7月6號至22號喺紅館舉行共26場嘅黃子華《金盆o浪口》棟篤笑，啲飛一早賣晒，而且仲有好多人搵方法撲飛，就係因為咁有人甘願俾多啲錢買黃牛貴飛，又或者搵人讓啲飛出嚟，但就係因為啲飛多人搶，搞到騙徒有機可乘。

有一名受害人，佢自稱係子華迷，佢透過一位自稱係行內人嘅麥先生內部認購子華飛，買飛錢差不多係20萬，6月頭開始聯絡姓麥嘅人，咁當然係冇影啦！受害人已經喺尖沙咀警署報案。頭先打俾子華經理人阿May，佢話：「我哋一早都講咗要喺官方指定方法同地方買飛，唔好胡亂搵人買飛，呢粉絲嘅真係只能去警，等警方去處理，暫時我冇打算話俾子華聽，等佢可專心籌備個騷。」

精選娛聞，喺晒《娛果》
http://fb.com/appledailyent