陳嘉桓與Amanda S.今日到大埔為台灣旅遊活動擔任嘉賓，兩人即場示範沖珍珠奶茶及音樂米飯糰。在台灣長大的Amanda S.，近年經常回家陪媽媽：「聖誕嘅時候有返去，好開心，冇帶男朋友去，我自己返去。我鍾意喺屋企同屋企人、朋友一齊，唔帶佢去，唔使照顧多個人，佢又唔識國語。」

Amanda S.坦言拍拖一定要有私人空間，而且自己很熱愛自由：「平時會講電話，如果嗰日多事發生，可以講好多次，如果嗰日悶啲，就兩、三通電話，不過我唔會講通宵，我要瞓覺。」至於與男友拍拖已四年多，會否考慮同居或再婚？Amanda S.笑謂：「Let's see，再諗下先。」

陳嘉桓亦經常到台灣旅行：「我試過兩次環島，仲諗過識個台灣男友嫁過去㗎，不過識唔到。」早前被傳與緋聞男友黃宗澤（Bosco）到馬拉旅行，問她會否再約Bosco去旅行？她即瞪大眼說：「關佢咩事呀？我哋無關係㗎，上次好多人喺馬拉，有周柏豪、蔚雨芯，佢（Bosco）介紹我食咩，幫我book位。」不過，她又直言好想拍拖，但暫時不會參與speed dating。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef