【冇見一排】黃翠如唔記得蕭正楠個樣 湯洛雯唔排除同舊愛翻撻
黃翠如蕭正楠湯洛雯
黃翠如及湯洛雯(靚湯)等,今日到銅鑼灣出席手機品牌活動,翠如表示老公蕭正楠和曹永廉正身處外地拍攝旅遊節目,會離港一個月,翠如說:「幾乎唔記得咗佢個樣,佢哋而家身在美國,我叫佢同阿廉食多啲牛扒同龍蝦,慶祝得開心啲。」有否視像維繫感情?翠如笑說:「有啲尷尬,我哋識咗咁耐都用電話同文字溝通,冇試過視像,驚發現佢唔知做同阿廉做緊乜。」翠如早前和連詩雅合作拍劇,現時每日保持聯絡,就像多了位妹妹一樣。
湯洛雯和前男友羅天宇早前共赴挪威拍攝節目,網民看到網上圖片後,鼓吹二人復合,靚湯說:「見到呀,我哋係好朋友去做一個旅行節目。今次睇唔到北極光,但好開心影到好多靚相,大家都有互動,互相幫對方影相。」至於復合機會,靚湯指好朋友感情昇華,但羅天宇向傳媒透露將來機會還不知道,靚湯笑笑口說:「佢真係咁講,咁奇怪?冇啦,我哋係好朋友,一直好朋友關係,我不停單身,有曾經嘗試認識異性,但冇發展,只係初步認識。」至於最終會否考慮舊愛呢?靚湯語帶玄機:「舊嘅隨風飄啦,順其自然,要逆流返嚟都冇辦法,總之呢一刻係單身。」
-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
動腦Q金像獎周
4月8日-12日 10:30PM
Let's Q the money!Action!
https://hk.adai.ly/zpCd06PPwV