《尋找小腳八》以雪怪視角出發，講述大腳八雪怪同人類嘅故事。雪怪族流傳世上有一種擁有迷你腳板嘅神秘生物－－「人類」，而主角米高為咗證實傳聞，決定外出尋找。

戲中兩大角色米高及美紫，分別由陳家樂（Carlos）及衛詩雅（Michelle）配音聲演，米高單純善良，一心要證明俾族人睇有人類嘅存在，美紫更加成立研究會，去了解世上係咪有雪怪未知嘅事情發生。

講到兩個角色嘅性格，Michelle即表示二人應該反串演出，「因為米高呢個角色比較簡單，同埋人地講咩就信咩，同我一樣。」指自己到現時仍相信這個世界有精靈，仲分享朋友係外國森林目擊「大腳八」嘅親身經歷。

「我細個就天真易信啲，依家就比較偏向相信邏輯同科學，要有證據我先信」Carlos又補充自己同美紫一樣係名符其實嘅道理王，而且與角色一樣，講嘢速度好快，連導演叫佢要講慢啲。

佢地兩個出道以黎一直合作無間，但今次就比較特別，「我地由入行開始，甚麼活動都一齊合作過，但唔同空間嘅合作係第一次囉，因為雖然係同一套卡通片，但係我錄音嘅時候家樂唔會係到，家樂錄嘅時候我唔會係到，我地要靠好多估計囉，咁好彩就係因為我地好有默契。」Carlos仲大讚自己配音技巧有進步，連續配三日都唔會聲沙，反而Michelle就試過因為角色對白太多，導致佢講到缺氧，差點暈低。

《尋找小腳八》將於九月二十五日上映，想知佢地兩個配音時有咩搞笑事發生？立即睇片啦！

訪問　Sapna
攝錄　Domanic
剪接　Domanic
拍攝　仇志德

場地：星影匯 The Metroplex
衛詩雅髮型：Lupuschui@orient4
衛詩雅服裝：COS
陳家樂髮型：Kenrick Siu @fifthsalon
陳家樂上衣：suitsupply