陳柏宇（Jason）今日喺上環蓮香居搞咗個《陳伯茶聚》，吸引咗超過200 fans參與，Jason笑指原先唔知要唱歌，諗住嚟表演強項吹水，佢事前叮囑Fans送禮物盡量以手製卡型物品為主，佢話：「啲卡我盡量都留起，太大件禮物，屋企就冇咁多位。」

Jason話平安夜會招呼20幾位同事到佢屋企打邊爐，佢幻想唔到屆時屋企怎樣坐到咁多人，問到會否考慮置業換大屋？佢話：「屋夠用就得，我諗實用大約1,000呎，不過我想住番港島區，起碼要2,000萬以上，而我借樓按最多五成，我邊度拎1,000萬出嚟。」講到聖誕禮物，佢竟然未為太太準備，反而買咗架近百萬嘅Range Rover SUV新車畀自己，前日拎到新車時仲千叮萬囑太太上車開門要小心，亦唔會畀太太揸。

更多娛聞，喺晒《娛果》
http://fb.com/appledailyent