這邊廂熱爆節目《中國好聲音》大獲好評，導師那英更加犀利，一手調教出冠軍梁博，風頭一時無兩，更傳出那英好姊妹王菲加入第二季添！

那邊廂，影后章子怡原來亦出任另一節目《中國最强音》評審，子怡好戲就毋庸置疑，做電影評審不成問題，但要佢擔任歌唱節目星級評審，似乎有啲格格不入，有傳章子怡錄影期間表現麻麻，點評內容幾乎同音樂無關，只係講下參賽者情感表達同埋服裝衣著等，難免令人質疑佢嘅評審能力。

噚日那英同章子怡前後腳現身上海Dior騷，認真冤家路窄，對於章子怡擔任歌唱節目評審一事，那英就語帶相關話：「 我只能說，我祝福她 。」

至於要調教出冠軍，那英更暗寸章子怡「 完全不行 」，因為「 隔行如隔山 」，佢又唔明點解要搵章子怡擔任導師，只係覺得佢只能喺造型上畀到意見。

湊巧那英受訪時，章子怡於紅地毯影相，但兩人並無交流。演員出身的章子怡就話首次擔任歌唱節目評審工作，感到好開心，雖然能力備受質疑，但無損佢嘅心情，仲虛心咁話會向那姐取經，章子怡自信咁話：「 有質疑才能有進步 。」



「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
 
公投網址： http://facebook.com/AppleDailyGoldenPlum