聖誕前有一場激罕賽事，就是今日（23日）頭場五班1000米直路賽，係極少安排嘅賽程。姚本輝馬房「航天勇將」季初喺四班同程入Q，目前居五班自然成為今場牌面馬。

雖然抽直路賽唔太有利嘅1檔，但鞍上人李寶利話「航天勇將」留後衝，檔位影響唔大，希望贏番場，當送份聖誕禮物俾自己，兼打破個幾月冇贏馬嘅悶局。

不過，同場都有隻不明物體，「戥你開心」最初由葉楚航訓練，十戰場場大敗。暑假轉到丁冠豪手上，上月28號轉倉初出，喺谷草1200米跑第六，只負1.25個馬位，表現大有起色。

可惜丁冠豪由於馬房爆倉被罰款，「戥你開心」只在丁廐一戰，賽後無奈需轉投鄭俊偉。此駒健康、操練一切正常，呢匹馬更隨時變成「丁廐寶藏」，為鄭廐建功。