其實平時做緊直播都有呢種感覺，幾個主持講一場波，唔會有悶場，亦唔會有扮專業嘅感覺；同埋我哋都有少少哋投注自己鍾意嗰隊，所以講起波嚟特別肉緊，仲有家庭觀眾一齊傾一齊睇，感覺真係好熱鬧。
我哋球彩台仲會邀請觀眾一齊參加《睇波大聯民》現場睇波，真係好過癮，估唔到觀眾嘅反應都好熱烈，幾百個觀眾一齊喺大型商場同我哋一齊嗌、一齊玩遊戲、一齊睇波，咁樣做直播比平日困喺錄影廠更加開心，做呢類型嘅戶外直播又可以考吓自己做主持嘅執生技巧。嚟緊球彩台都會多啲舉辦呢類型嘅睇波活動，希望有一日我哋嘅《睇波大聯民》可以去紅館開啦！
WENDY
由歐國盃EuroBabes，變身球彩台受歡迎主持。