韓國人氣團體TWICE噚日喺首爾舉行演唱會，當中TWICE先後唱出多首人氣歌《TT》、《Cheer Up》等，令全場粉絲high爆。

不過當演唱會尾聲時，成員輪住發言向全場粉絲答謝，當輪到來自台灣嘅18歲周子瑜時，子瑜首先以韓文講出一大段致謝詞，之後佢就問台下粉絲可唔可以用中文發言，唔知佢係唔係趁噚日係父親節，所以就想喺台上答謝父母，之後佢就向住飛到現場支持自己嘅父母講：「平時雖然不講這種話，但是真的非常感謝。」見到台下父母嘅子瑜說到一半已忍不住喊咗出來，仲哽咽到講唔下去。

喺子瑜身旁嘅隊長志效見狀即刻走過去攬住子瑜為佢打氣，子瑜即收起淚水繼續話：說「謝謝你每次都來看我的表演支持我，我愛你，我的爸爸媽媽謝謝。」而全場粉絲都好識做，即時大叫「我愛你」為子瑜加油。