羅霖今日以王祖藍旗下藝人身份，出席香港影視博覽活動，近日羅霖拍緊無綫新劇《深宮計》，略現疲態，佢話：「拍咗兩、三晚通宵，所以攰啲，不過身體都頂得住，但媽咪就擔心到喊，我自己都有兩日幾冇見個細仔，返到屋企仲覺得佢高咗o忝！」羅霖就話喺《深宮計》入面，有4個司(C)級，自己都係，記者取笑佢點止C級，羅霖即撒嬌話：「唔係嗰個C呀，係司級，下面就係宮女。」

問到嚟緊祖藍會安排咩工作俾佢做，羅霖話：「佢(祖藍)話唔使性感嘅，應該拍吓網絡電影、網劇同綜藝節目，唱歌係我弱項，或者遲啲搵老師練吓唱歌啦!」

而陳嘉恒同經理人冼國林今日有嚟撐祖藍場，身為祖藍堂舅父嘅冼國林，就話自己個攝影棚一向好爆，不過若果祖藍想攝期優先，都一定就俾佢。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。