當年今日
關於我們

【愛情DQ掣(5)】馬天佑令銀行仔變暖男 泰拳女受唔受2nd Date?

蘋果日報 2017/12/19 07:02

馬天佑時裝文青暖男愛情DQ掣

《愛情DQ掣》進行第一次約會,上回講到泰拳女Debby同銀行仔Derek互相幫大家揀咗套衫,今集就等星級形象指導馬天佑出馬!
為咗撮合Debby同Derek,馬天佑話要為佢哋揀返套情侶裝,「呢個節目最緊要係要佢哋成事吖嘛,我覺得要諗辦法令佢哋襯啲先!」
馬天佑為Derek設定一個暖男形象,幫佢揀咗件淺色冷衫,「當女仔依靠住膊頭嗰陣,就會覺得好舒服。」至於Debby嘅上身衫就以黃色為主,襯條牛仔長裙,青春又斯文,「加埋頂畫家帽,令文青系感覺重啲。」
先講Debby,換咗個新look出嚟,製作組都「嘩、嘩」聲,果然青春少艾,着咩都咁好睇!Debby就話,「對我嚟講係新突破,真係無着過呢種style嘅衫,估唔到效果咁好!」至於Derek嘅新look的確有清新嘅感覺,後生咗又不失斯文,佢自己就話,「以後揀衫真係可以多啲變化,唔使淨係着一隻色。」
其實佢哋兩套衫,馬天佑都精心襯過,一樣都係橫間款,以淺藍色系為主,馬天佑仲乘機畀位佢哋親密接觸,「襯唔襯呀?搭個膊頭仔先啦!」真係全場都warm晒,Derek又紅都臉晒,Debby就梗係冧晒啦!馬天佑話,「今日我盡咗力㗎喇!希望可以促進到件事!」
唔止馬天佑有心,Derek個心都一早飛咗落Debby度㗎喇,所以會唔會有第二次約會,就睇Debby嘅意向喇!究竟Debby嘅心意係點?睇片睇片!
場地提供:Hisso
主持:何宛珊 (表妹)
攝影:峰、馮燊明、梁依能
後期:梁依能、馮燊明
視覺設計:Cammie
編審:仙
empty
empty
今集到星級形象指導馬天佑出馬,為Debby同Derek進行改造,揀套情侶裝。
empty
馬天佑揀咗冷衫畀Derek打造暖男形象,方便女仔隨時依靠膊頭!
empty
呢件揀畀Debby橫間上衣,同Derek件橫間冷衫勁match。
empty
加埋頂帽,文青感覺出晒嚟呀。
empty
髮線比較高嘅男仔,馬天佑建議戴圓帽可以隱藏髮線。
empty
馬天佑仲乘機叫兩位搭個膊頭仔,等佢哋有親密接觸,睇吓兩位笑得幾開心!
empty
馬天佑笑話今日已經盡咗力,希望幫手撮合到Derek同Debby。
empty
究竟Debby想唔想同Derek有下次約會?去片啦!