港大文學院喺11月23號搞畢業禮，今日開始網上登記搶門票。仲要首次喺百周年新校園嘅李兆基演講中心大會堂搞。不過呢，𠵱個新場地只係坐得942個人咁大把，扣除啲同學、老師之後，剩番550個位畀畢業生嘅親友觀禮。如果太遲先去到，大會會安排680個嘉賓入去另一間房睇直播。有啱啱畢業嘅同學仔，見到大會限制每人只能帶一位嘉賓，見證自己被「扑頭」嘅一刻，內心真係好掙扎。究竟請阿爸定阿媽好呢？有同學仔「好葡萄」，話社會科學院都去灣仔會展搞畢業禮啦，位位畢業生可帶3名親友去觀禮，做乜文學院畢業生只可帶一位親友咁少，好唔公平囉。於是咪同文學院講吓數，點知文學院又唔理畢業生，搞到同學仔一肚氣。
不過同學仔又唔使太愁，港大喺11月仲有場全校畢業禮，喺亞洲博覽館搞，每名學生可帶兩個親友去。場地咁大，「三個字」：綽綽有餘啦。
李八方
mailto:
[email protected]