君傲灣的樓宇質素令柯小姐甚失望，她表示，共購入屋苑4伙，除上述單位牆身嚴重龜裂外，另一個單位的主人房浴室亦因漏水問題，要連換兩次配件及重鋪地磚，由於執漏工作遲遲未完成，嚴重打亂其放租計劃。

柯小姐透露，有關單位的廁所水箱因「波曲」損壞導致漏水，令浴室地台地磚損毀要重鋪，她滿以為執漏一次問題已解決，詎料未幾同樣事情又再發生，結果要再一次修理水箱及重鋪地磚。
柯小姐說：「呢個單位我係買嚟收租，但單係做執漏都做咗半年，搞到我遲遲都唔能夠租出去，損失唔少！」

事實上，君傲灣執漏求其，從柯小姐投訴的兩個單位可見一斑，雖然工作做了超過大半，但在建築測量師謝志堅眼中，仍有不少瑕疵，包括客廳空心牆未有處理、主人房窗邊瓦仔崩缺沒有修補、地台仍然漏唧膠、沒有重髹露台欄杆剝落的油漆等，似乎發展商真是要好好正視問題。