當年今日

你追我趕火星特工鬥攝隕石

蘋果日報 2005/01/16 00:00


世界上有人就會有競爭,遊戲的意義就是將競爭透過輕鬆的方法表現出來,讓人從遊戲中學習解難。這次小蘋果跟家長組成四隊隊伍,跑到香港教育城LEGOMINDSTORMSCENTER大玩「火星特工」遊戲,參與營救被困的科學家和完成收集火星物質的任務。過程中個個性格盡顯,親子間對彼此的優缺點早已心中有數,完成後個個大讚遊戲具創意,又可以提升分析能力、邏輯思維能力、創意及解難能力。

記者:小辣椒
攝影:林伯
鳴謝:香港教育城(www.hkedcity.net)
講解左耳入右耳出
大哥哥耐心地解釋四個機械人BB,點樣同電腦溝通,大家都唔敢左耳入右耳出。點知練習一開始,大家即刻借咗聾耳陳隻耳,錯漏百出,惟有從錯誤中成長!
empty
有待發現
■大哥哥只說明基本的裝備有甚麼,再簡單介紹點樣同電腦溝通,其他一切要留待小朋友從電腦中發掘,唔會亂畀貼士。
empty
攝石相吸
■火星基地上的石頭頂部和機械人BB的手臂均附磁石,咁樣至可以一拍即合,俾各組親子組別完成任務。
empty
揀邊款好?
■機械人BB「RCX」共有四款,手臂的結構個個不同,點樣運用就要靠自己用小腦袋想一想!
empty
電腦司令
■每組親子組別都有一台電腦,「火星特工」的一切指令、四款機械人BB的功能、編寫電腦程式等,全部靠晒佢!圖中機械人BB上面的紅外線發射器,就係連繫電腦程式和機械人動作指揮的重要配件。
最快速的示範
「火星特工」的艱巨任務,難度當然由易到難。先來四題練習題,攝走三塊擺放喺不同位置的隕石後,重要營救彈到唔知去邊的科學家(LEGO人仔),完成得最快嘅係韋忠一組。
empty
靜心細看
■要完成任務,勘察的工作要行先:先攝邊粒隕石?要走多少步?左轉定右轉?睇定先動手!
empty
紅外線接駁
■決定好策略,編好電腦程式,就記得要接駁「天地線」,否則機械人BB就唔識郁。
empty
數數手指
■算出機械人BB要走多少步路才接近隕石,唔少參加者都好似詠琪一組數格數,其實重有好多天馬行空的方法,大家又諗唔諗到呢?
empty
勝券在握
■嘉琪同Auntie緊張中流露自信,其實機械人BB生唔生性,睇最後幾步就知。
empty
思覺失調
■詠琪一組屢敗屢試,不過今次機械人BB發雞盲,手臂同隕石的距離超遠。
empty
一點即明
■出貓啊!大哥哥又話唔會畀貼士!其實大哥哥只係醒少少提示畀洛森,俾佢自己去諗出點解成日都失敗。聰明的洛森一點即明,又不枉攝影師林伯提多少少心得。
比賽亂成一堆
提起考試或者比賽,大家的心理壓力自然提升,亦更加凸顯各參加者的不同性格和應變能力。結果練習時最快的一組,最後竟然包尾攝到兩粒隕石!結局峯迴路轉,呢個咪就係比賽的刺激同精采處嘞!
empty
■呢張相證明咗韋忠心亂如麻,韋忠,放鬆啲啦!
empty
■詠琪同另一組設計咗差唔多嘅路線,受到比賽氣氛刺激下,即時變得士氣高昂,最終取得兩粒成績。
empty
■浚裕同洛森爭埋同一塊隕石,究竟誰勝誰負?善忘嘅我記起再話畀你知!
王者含蓄的微笑
聖誕新年IT機械人活動
對象:8至14歲的青少年
日期:1月22日或29日
時間:11:00am-12:00nn
費用:每組親子(約2-3人)$100
地點:香港教育城
查詢:26241000
empty
遠離枱角
■怕醜仔洛森成為大贏家,策略係「一成不變」,即係用同一程式攝走相似位置嘅隕石。你睇佢離開張枱幾丈遠,就知佢幾怕醜。
empty
冷靜乃成功之母
■成功喇!非常享受比賽過程嘅佢,賽後講出心得:「最緊要冷靜」,導師都話呢個係成功嘅關鍵之一。