公屋秀茂坪邨日前改裝全邨地下入口大門，移走門框上玻璃，代之以通花鋼片。但居民發現，通花鋼片間空隙過闊，容易從門外伸手入內按動門上開關掣開門，保安出現漏洞。管理公司承認設計時較着重美觀及通風效果，忽略保安需要，將盡快安排工程，堵塞保安漏洞。

秀茂坪邨共有十八座，管理公司於上星期開始，陸續將各座地下入口大門框上玻璃移走，換上通花鋼片。
居民說：「嗰日我已經將呢個可能性同管理員講，跟住重走去企喺大門外邊試吓，點知真係夠闊可以伸隻手入去㩒掣開門！」居民即時向管理公司職員反映，要求改善。

輕易伸手入內開門
「呢個保安漏洞好明顯，都唔明管理公司點解會諗唔到，點可以淨係顧住美觀同埋通風，而最重要嘅保安就忽視咗。」
記者曾到秀茂坪邨了解，見大部份大廈已完成大門改裝工程，記者見秀緻樓地下大門門框玻璃已移走，裝上鋼片，鋼片間空隙闊逾四吋，記者可輕易伸手入內按掣開門，其間未有管理員發現及阻止。
管理秀茂坪邨的創毅物業服務顧問有限公司，其物業經理胡先生表示，因有居民反映各座地下入口大門太重，以及秀茂坪位處山上，較為潮濕，大門改裝後通風較佳，故在屋邨諮詢委員會中，通過替全邨各座入口大門進行改裝工程。