趙國雄剖白少年生活 - 李八方

蘋果日報 2004/02/02 00:00


今次想講嘅人,可能係見報率最高嘅上市公司董事,比起佢老細李超人更厲害。呢位就係長實「樓神」趙國雄。經常一周七日都見報嘅趙董,日前出席新城財經台訪問,剖白自己少時的家庭和學校生活,八方覺得都值得同大家分享。
趙樓神話生於大家庭,有十四兄弟姊妹,家庭環境不好,曾經試過一套校服與阿哥兩份。阿哥讀上午班,佢喺學校門口等阿哥放學,然後到就近公廁換校服返下午班。
另外,趙家又試過幾兄弟冇錢交學費,校長要求見家長,但趙媽媽先發制人,對校長話自己肯送幾個仔入讀該校,係對校長的信任,唔通校長會因兩個月的學費而唔信任佢,結果成功令校長唔好意思追學費。
至於頻見報,趙樓神話係為咗公事,但對私生活也帶來些少影響,例如早前去澳門公幹,有海關工作人員認得佢,重同佢打招呼,在場有五六十位市民望着他;到澳門後,想入賭場逛逛,都因俾人認出同埋指指點點,唉,做名人冇乜自由,都係壓抑吓七情六慾好啲。


傳真︰2623-9278
電郵︰[email protected]