【習慣有差異】吳浩康強調性格不合被分手 欺騙大眾令崔碧珈不滿
蘋果日報 2019/12/28 17:11
吳浩康崔碧珈新城勁爆
採訪：王連連、攝影：仇志德
今年新城、港台、商台先後宣佈取消實體頒獎禮，新城今日率先在網上頒獎，結果氣氛前所未有地冷清。
吳浩康（Deep）今日獲頒勁爆我撐歌手，有機會在直播節目上唱歌，他受訪時講到今年改形式，他說：「都幾特別，本來以為都會冇（氣氛），喺現場見到歌手都覺得有啲氣氛。」以往現場有歌迷，如今只有DJ跟工作人員，阿 Deep說：「坦白講，同以往一個大規模頒獎禮的確係唔同，不過時代係咁要配合，好過冇囉，明白大家係辛苦嘅。」講番得獎，阿Deep原本以為自己會有歌曲歌，對獲頒歌手獎有點意外。
崔碧珈早前宣佈與阿Deep分手，拍拖不足一年，崔碧珈宣佈分手當晚，阿Deep當日出席活動表示兩人關係好好，問到他是咪有心隱瞞？今日他解釋：「嗰日做訪問時係冇嘢，夜晚溝通後突然發生咗呢件事。」他指分手原因是兩人性格不合，與其他事無關。
不過崔碧珈暗寸阿Deep講大話、隱瞞，阿Deep堅持：「我肯定係冇嘢欺騙佢。佢所指嘅欺騙，其實佢係話我對外講嘅原因係大家工作時間分配唔到，佢係話我係同公眾講大話。」
阿Deep又說不會將兩人之間的問題公開，不過就透露：「相處積落有唔同習慣、價值觀問題，只能夠講好可惜，會祝福佢。」他又強調係會當對方係朋友。