歐錦棠主演嘅舞台劇《香港老馬利》，受武漢肺炎疫情影響，原本6場演出大前日喺上環文娛中心開鑼，但𠵱家延期至5月21日至24日。

為顧及唔識上網嘅觀眾同銀髮族，歐錦棠同太太萬斯敏喺上環文娛中心外擺街站，為觀眾辦理退票或換票手續，歐錦棠喺社交網留言︰「行多一步永遠都係穩陣，尤其銀髮一族，未必會上網睇消息，為佢哋做多少少係應份。」
撰文：馮仁昭