艾威﹑蔣志光﹑麥長青及林敏驄等,今晚出席喺尖沙嘴洲際酒店出席博愛就職晚宴,艾威表示最近新簽經理人公司,年期都頗長,講到接工作要抽佣?佢話:「Artist係商品,有人sell呢個商品更加物盡其用。」問佢係咪人氣高咗,所以要搵經理人幫手?艾威表示:「我30幾年前已經想搵,終於有人肯簽我。」
艾威又笑言嚟緊係新高潮定新低潮都未知,問到會否驚自由度少咗?佢話:「佢簽得我梗係有啲嘢係欣賞我,例如今晚上台唱歌,自己想向多方向發展。」問佢對自己歌喉有冇信心?艾威話:「一向都有唱開,自己鍾意唱Rock啲,都有信心,Rock歌令到自我滿足及情感爆發。」
講到亞視同港視合作一事,艾威表示:「好似今日五點最後限期,我都未知係點,好似話唔係好樂觀。」