現年23歲嘅韓國女團T-ara成員智妍，今年2月初宣佈同韓劇《巴黎戀人》嘅36歲男星李東健已於去年尾分手，舊愛李東健於2月尾再公開戀情，與劇集《月桂樹西裝店的紳士們》拍檔趙胤熙戲假情真。

智妍同李東健爆出「分訊」約兩個月後，今日有報道指佢撻着28歲男歌手鄭俊英。據報道指智妍與鄭俊英因為有好多共同愛好，又會彼此分享音樂上嘅見解，近日由朋友發展成戀人，正拍拖一個月。

而拍拖一說曝光後，智妍方面隨即否認戀情，表示：「之前就有傳過兩人拍拖，所以向智妍本人確認過，佢哋只係朋友。兩人通過朋友聚會認識，並成為好友，只係因為兩人都係活動中嘅藝人，所以比較顯眼。」至於鄭俊英方面亦指鄭俊英同智妍只係比較親近嘅朋友，並冇拍拖。

緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB

「蘋果VR」App

App store下載： https://goo.gl/0kW2cK

Google Play下載： https://goo.gl/4K7EHw