今日係南韓嘅「顯忠日」，係為咗紀念保護國家安全而獻出寶貴生命烈士英雄嘅日子，所以有唔少韓星包括男團Super Junior成員藝聲、女團Secret隊長全孝盛、韓劇《君主－假面的主人》女星金所炫等，紛紛喺Instagram上載韓國國旗，留言悼念為國家犧牲嘅人。

除咗有韓星於IG留言悼念外，每年嘅今日都會喺國立首爾顯忠院(即韓國國立公墓)舉行悼念儀式，而韓劇《悄悄話》女星李寶英更親身到現場。李寶英全黑正裝打扮以示尊重場合，及後朗讀《成為星星的靈魂》悼念詩。