宋仲基因為人氣韓劇《太陽的後裔》而彈起，佢喺劇中飾演嘅劉大尉打得睇得又識冧女，型到一個點，但其實佢都曾經有過搞笑嘅一面，相信佢自己都未必有勇氣翻睇，睇咗都未必認得自己！

宋仲基曾於2012年主演過一部電影叫《狼少年之戀》，當時佢同片中女主角朴寶英玩遊戲，輸咗要接受大懲罰，被對方畫花臉等等。結果宋仲基輸得非常慘烈，要紮噴泉辮仔之餘，仲要搽上同《少林足球》阿梅有得揮嘅紅唇、胭脂，個樣超女仔，真係笑死人冇命賠，同佢現在演劉大尉個man樣，真係兩個人囉。