【新增影片】
澳門立法會選舉投票日昨舉行，今屆破紀錄有174,872人投票，直選的14位立法會議員名單塵埃落定，4名澳門民主自由派人士進入議會，上屆取得3席的澳門民建聯今屆有兩席，而以「澳門發展新連線」名義參選的「四太」梁安琪候選名單則只取一席。有選民指新人入局能為議會帶來衝擊。

就讀大學四年級的歐陽同學指，議會是監察政府的地方，故將票投予反對派。他續指蘇嘉豪入局能幫助監察政府，「可以為議會帶嚟衝擊」，昨晚得悉蘇嘉豪入局後感到驚喜，「噚日睇住（開票），嘩！7千幾8千（票）。」

歐陽同學認為澳門立法會直選及間選制度存在問題，需要改變直選議席不過半的制度，「希望今屆嗰四位民選嘅議席可以推動下政改啊、增加多啲立法會直選議席，甚至取消官位（間選）咁樣。」今屆有4位民主自由派入局，他仍認為這對澳門議會不能帶來大改變，只希望蘇嘉豪能做好監察政府的角色，「直選議席咁少基本上係改變唔到任何政府想做嘅政策，真係好希望帶畀政府啲年輕人嘅聲音。」歐陽同學認為立法會應有不同聲音存在，「你有啲溫和啲嘅、有啲激進啲嘅帶嚟衝擊，我覺得改變下呢個咁溫和嘅文化都好。」

首投族梁小姐指所投候選人成功入局，期望他能為民生議題發聲，「今次天鴿風災都令我改變咗投票意向，都係一個幾大嘅因素，我睇得出喺呢段時間邊啲人真係為澳門做嘢。」梁小姐指近年更多年輕人投身政治，「我諗蘇嘉豪都會吸引到年輕人投佢一票，因為佢哋相信年輕人更加能為澳門做好啲野。」梁小姐認為有新人入議會是好事，「新人事新作風，睇吓嚟緊呢幾年會唔會為澳門帶嚟好嘅改變。」

從事服務行業的林先生認為蘇嘉豪入局的主要票源來自年輕人，「好多年輕人都支持佢。」林先生不認為蘇嘉豪作風激進，「呢個選舉係好自由嘅，咁佢想支持邊個就支持邊個。」

另一位林先生也認為蘇嘉豪入局是好事，「好似香港咁，有年輕人進入議會，感覺到年青勢力抬頭」，他指今次選舉期短，市民對他認為未必深，故認為是意外驚喜，估計可能年輕人相對老牌民主派，會多留意新人，社交網站對他亦有幫助。但他認為一個人為議會帶來改變不大可能，但可讓選民知，他們亦可帶到人入局、帶來改變，相信未來可能有更多年輕人加入議會，「咁下屆會唔會有兩個（年輕人）？」

吳小姐認為，蘇入局可給年輕人一個啓示，不要如之前般什麼都不理，但自己投票時睇點投就睇政績同立場，「係咪真係代到我地。」她又指，相信部份候選人就風災的言論亦對選情有影響。

梁生指蘇成功入局，可能大家認為需要新思想，對現有政策可能有不滿，但民主派都係取4席，相信社會價值都係傾向保留不變。他又指選票仍比預期少，投票率57%算少，「起碼6、70%先算代表大部分人意見。」